Sipas përkufizimit të Shoqatës Italiane të Osteoporozës, Metabolizmit Mineral dhe Sëmundjeve të Skeletit, osteoporoza është një sëmundje sistemike e skeletit, e karakterizuar nga reduktimi i masës kockore dhe nga ndryshime cilësore të cilat shoqërohen me rritjen e rrezikut për fraktura. Incidenca e osteoporozës rritet me moshën, duke prekur kështu pjesën më të madhe të popullsisë pas moshës tetëdhjetë vjeçare. Për të vendosur diagnozën, analiza “e artë” standard është mineralometria e kompjuterizuar kockore (MOC). Ajo është në gjendje të bëjë një matje mjaft të kujdesshme dhe të saktë të masës kockore, në veçanti të dendësisë së saj minerale (BMD), e shprehur në g/cm2 të sipërfaqes së projektuar...