Kursi synon të shtojë ndërgjegjësimin në lidhje me terapinë farmakologjike të obezitetit. Sot e dimë se trajtimi i obezitetit, një sëmundje kronike me patogjenezë multifaktoriale, synon të kontrollojë sëmundjen dhe komplikacionet e saj të rënda. Është vërtetuar shkencërisht se të gjitha terapitë që kemi në dispozicion, si: terapia dietike, e sjelljes, farmakologjike dhe kirurgjikale, duhet të përdoren në mënyrë të integruar, gjithmonë duke u nisur nga modifikimet e zakoneve dietike dhe aktiviteti fizik (ndryshimet e stilit të jetesës). Kur pacienti nuk është në gjendje të ndjekë dietën dhe nuk arrin të bjerë në peshë në masën e paracaktuar, ai duhet të mbështetet edhe me terapi farmakologjike për obezitetin, duke ndjekur udhëzimet e hartuara dhe të pranuara nga shoqatat shkencore.