Botimi i pestë i “Parodontologia clinica e implantologia orale” rimëkëmb kontributin e pashembullt të ekspertëve botërorë. Kuratorët e kësaj vepre kanë integruar tërësinë e njohurive të deritanishme në parodontologji duke realizuar një tekst shterues që kombinon erudicionin dhe shkencën me principet dhe aplikimet në fushën klinike. Parodontologjia klinike në këtë libër përqafon një sërë nën disiplinash dhe tematikash që janë tipike të parodontologjisë dhe implantologjisë. Janë shtuar 15 kapituj të rinj ndërsa shumë të tjerë janë rishikuar, duke reflektuar zhvillimet e sektorit gjatë viteve të fundit, të cilat nuk ishin përfshirë në botimin e katërt. Kapitujt mbi anatominë parodontale dhe mbi nocionet shkencore bazë që i përkasin dhëmbëve dhe  ngjitjes së implanteve janë zgjeruar me informacione të reja, e po ashtu edhe kapitujt për anatominë patologjike dhe patogjenezën e paradontitit. Interesi në rritje për aspektet ndërdisiplinore të parodontologjisë dëshmohet nga kapitujt e rinj mbi ankorimin ortodontik. Në vëllimin e parë trajtohen argumente të shkencave bazë, ndërsa në të dytin aplikimet e koncepteve klinike, duke ruajtur një integrim të mirë mes dy pjesëve. Qartësia e të shkruarit dhe e imazheve është një tjetër instrument i çmuar për lexuesin në këtë libër.