Raporti profesionist i shëndetësisë – pacient ka evoluar me kalimin e kohës duke kaluar nga një marrëdhënie e bazuar mbi ofrimin e ndihmës, në çdo fushë ku ai operon (ambulancë, strukturë spitalore, farmaci), në një marrëdhënie që synon përmbushjen e nevojave për të dhënë përgjigje të plota sa i takon gjendjes shëndetësore dhe rrugës që duhet ndjekur për zgjidhjen e problemeve të shprehura nga pacienti. Pacienti i drejtohet profesionistëve dhe burimeve eksperte për t’u konsultuar me informacione të mbledhura tashmë nga të afërmit, miqtë, nga rrjetet në internet, duke mbartur edhe rrezikun e informacioneve false dhe tendencioze...